एदे फोटू ल चपक के मुख्य पेज म लहुंटव—

गुरुवार, 20 अक्तूबर 2016

छत्तीसगढ़ के 10000 विद्यार्थी करही फोकट म भारत दर्शन

मुख्यमंत्री भारत दर्शन योजना

अंजोर.रायपुर। प्रदेश म मुख्यमंत्री भारत दर्शन योजना के शुरूआत करे जावथाबे जेन म दस हजार विद्यार्थी मन ला भारत भर के भ्रमण कराये के जोंगे हावय सरकार ह। ये संबंध म खेल अउ युवा कल्याण विभाग म समीक्षा बइठका के आयोजन करे गे रिहिसे। जानकारी के मुताबिक 'मुख्यमंत्री भारत दर्शन योजनाÓ  म प्रदेश के पढ़इया लइका मन देश के दर्शनीय ठउर ल देखे बर जाही। भ्रमण खतिर राज्य सरकार ह रेल मंत्रालय के संस्था आईआरसीटीसी ले अनुबंध तको कर डारे हावय अब लघियात सबो जिला ले विद्यार्थी मनले आवेदन मंगाय जाही तेकर पाछू भारत दर्शन के तिथि के घोषणा करे जाही। खेल अउ युवा कल्याण संचालनालय म आयोजित विभागीय समीक्षा बइठका म जानकारी दे गिस के विभागीय कामकाज के सोर अब आम जनता तक पहुंचाये खातिर विभाग बहुत जल्द सोशल मीडिया म शामिल होके प्रचार-प्रसार करही। येकर अलावा हरेक जिला म वार्षिक खेल कलेण्डर बनाके पठोय जाही। खेल कलेण्डर होय ले साल भर होवइया गतिविधी के जानकारी आगूच ले मिलत रइही। सबो जिला के खेल अधिकारी मन बजट के समस्या आए म तुरते संचालनालय ल आरो करही जेकर से खिलाड़ी अउ खेल आयोजन म  बाधा नइ आवय। 
पंजीयन शुरू
छत्तीसगढ़ के बस्तर अउ सरगुजा संभाग के विद्यार्थी मनके पंजीयन शुरू होगे हावय। ये योजना म 11 ले 17 बछर तक के लइका मन पंजीयन फार्म संबंधित विकासखंड शिक्षा कार्यालय ले प्राप्त कर सकत हाबे। लइका मन खातिर विशेष ट्रेन म उंकर दाई-ददा मन तको संगे म सफर करही। खेल विभाग ले मिले जानकारी के मुताबिक उंकर आना-जाना अउ खाना के खर्चा खेल अउ युवा कल्याण विभाग डहर ले मुख्यमंत्री भारत दर्शन यात्रा समिति ह उठाही। ज्यादा आवेदन आए म ड्रा के माध्यम ले नांव निकाले जाही।